Қаріп көлемі: A A A
Сайттың түсі: A A
Қаріп түрі:

Президенттің Телерадиокешені «Абайдың Қара сөздері» атты көркем киножобаның түсіріліміне кірісті

2021-09-06 Алматы облысында «Абайдың Қара сөздері» көркем киножобасының түсірілімі басталды.



15 сериялы туынды Ұлттық киноны қолдау мемлекеттік орталығының көмегімен жарық көрмек.  Олардың әрқайсысында қазақстандық кинематографияның танымал актерлері – Тұңғышбай Жаманқұлов, Берік Айтжанов, Нұрлан Әлімжанов, Жан Байжанбаев, Ерік Жолжақсынов, Аружан Жазылбекова, Аян Өтепберген және т.б. рөлдерде өнер көрсететін бас кейіпкердің жеке өміріне қатысы бар толыққанды сюжет бар.  



«Ақыры ойладым: осы ойыма келген нәрселерді қағазға жаза берейін, ақ қағаз бен қара сияны ермек қылайын, кімде-кім ішінен керекті сөз тапса, жазып алсын, я оқысын, керегі жоқ десе, өз сөзім өзімдікі дедім», – дейді ұлы ойшыл өзінің «Қараз сөздерін» жазуға кірісер алдында.    



«Біз үшін бұл аса ауқымды, жауапты жоба. Біздің жұмысымыз Ұлы Абайдың мәңгілік мұрасын насихаттауға үлес қосатынын мақтан тұтамыз», – дейді Телерадиокешеннің бас директоры Раушан Қажыбаева. – «Оның философиялық көзқарастары мен даналығы ғасырлар бойы жасап келеді. «Қара сөздер» ешқашан өзектілігін жоғалтпайды және қоғамның рухани-мәдени өміріне бағдар береді».
Алматы қаласы мен Алматы облысына қарасты түрлі орындарда жүргізілетін түсірілім 2021 жылдың 25 қазанына дейін жалғасады.


Тізімге оралу