Қаріп көлемі: A A A
Сайттың түсі: A A
Қаріп түрі:

Жаңалықтар

Тарих

  • 1991

    Қазақ ССР Президентінің 1991 жылғы 13 тамыздағы № 398 қаулысына сәйкес Қазақ ССР Президентінің Аппараты Қазақ ССР Президенті мен Қазақ ССР Министрлер кабинетінің Аппараты болып қайта құрылды. Қазақ ССР Президенті мен Қазақ ССР Министрлер кабинеті Аппаратының құрылымында Іс басқармасы құрылды.

    Қазақ ССР Министрлер Кеңесінің 1990 жылғы 23 ақпандағы № 69 қаулысымен құрылған Қазақ ССР Министрлер Кеңесі Іс басқармасының жанындағы өндірістік бірлестік Қазақ ССР Министрлер кабинетінің 1991 жылғы 13 ақпандағы № 100 қаулысымен Қазақ ССР Президенті Аппараты Іс басқармасының өндірістік бірлестігі болып қайта құрылды.

  • 1992 - 1993

    Қазақстан Республикасы Министрлер кабинетінің 1992 жылғы 12 тамыздағы № 670 қаулысына сәйкес Қазақстан Республикасы Президенті Аппараты мен Министрлер кабинеті Іс басқармасының Өндірістік бірлестігін тарату негізінде Қазақстан Республикасы Президенті Аппаратының және Министрлер кабинетінің Шаруашылық басқармасы құрылды.

    Шаруашылық басқармасының негізгі міндеттері:

    - бекітіліп берілген аумақтар мен пайдаланылатын жерлерде өсімдіктер мен жануарлар дүниесін сақтап қалу және молайту;

    - қызмет көрсетілетін органдардың қызметін қаржылық, материалдық-техникалық және әлеуметтік-тұрмыстық қамтамасыз ету;

    - ресми іс-шараларға және делегацияларға, соның ішінде шетел делегацияларына қызмет көрсету;

    - тұрғын үй, әлеуметтік-мәдени объектілерді, өндірістік ғимараттар мен құрылыстарды салу;

    - және т.б.

  • 1994

    Қазақстан Республикасы Президентінің 1994 жылғы 10 қарашадағы № 1884 өкіміне сәйкес мемлекеттік биліктің жоғарғы органдарының қызметін қаржылық, материалдық-техникалық және әлеуметтік-тұрмыстық қызмет көрсетуді жетілдіру мақсатында Қазақстан Республикасы Президенті мен Министрлер кабинетінің Шаруашылық басқармасы Қазақстан Республикасы Президентінің жанындағы Шаруашылық басқармасы болып қайта құрылды.

    Қазақстан Республикасы Президентінің жанындағы Шаруашылық басқармасы туралы ереже Қазақстан Республикасы Президентінің 1995 жылғы 1 наурыздағы № 2063 өкімімен бекітілген.

  • 1995

    Қазақстан Республикасы Президентінің 1995 жылғы 6 қарашадағы № 2600 Жарлығына сәйкес Қазақстан Республикасы Президентінің жанындағы Шаруашылық басқармасы таратылып, Іс басқармасы құрылды және Қазақстан Республикасы Президентінің Іс басқармасы туралы ереже бекітілді.

  • 1996

    Қазақстан Республикасы Президентінің 1996 жылғы 26 наурыздағы № 2918 Жарлығымен Қазақстан Республикасы Президентінің Іс басқармасы туралы ережеге өзгерістер мен толықтырулар енгізілді. Осы Жарлыққа байланысты Президенттің Іс басқармасының ведомстволық құрылымы – Шаруашылық басқармасы құрылды.

  • 1997

    «Қазақстан Республикасының астанасы туралы» Қазақстан Республикасы Президентінің 1995 жылғы 15 қыркүйектегі № 2457 Жарлығына сәйкес Қазақстан Республикасы Президентінің Әкімшілігі, Қазақстан Республикасы Үкіметінің аппараты, кейбір министрліктер Астана қаласына көшірілді.

    «Қазақстан Республикасының құрылымын қайта құру туралы» Қазақстан Республикасы Президентінің 1997 жылғы 17 қазандағы № 3692 Жарлығына сәйкес Қазақстан Республикасы Президенті мен Үкіметінің Ақмола қаласындағы Шаруашылық басқармасы құрылды.

  • 2000

    «Қазақстан Республикасы Президенті Іс басқармасының кейбір мәселелері туралы» Қазақстан Республикасы Президентінің 2000 жылғы 21 сәуірдегі № 378 Жарлығына сәйкес Қазақстан Республикасы Президентінің Іс басқармасы туралы ереже бекітілді.

Біздің серіктестер

Ведомстволық қарасты ұйымдар